صعيدى واه واه يابوى

مكتوبى وصلك دارك

ولا تعب المكتوب
من قسوة طول مشوارك
قرب مكتوب يدوب

وطريقك ليه واعر

توه ياما مشاعر

بتمنى اكون شاعر

وعينيك تبقى لى دروب

الحرف يزق الحرف
والسطر يقول للسطر

تعب المكتوب ف الظرف

تعب القضبان م القطر

امتى حيوصل عندك

يلمس بحنين يدك

وتعاود عن عندك

ده انا صبرى تعب م الصبر

لو يوصل يوم مكتوبى

ما طمعش ف غير الرد

وانا من صبحتى لغروبى

احلف ما مكلم حد

ده انا لو حقدر راح اجيلك
متخبى ف عتمة ليلك
واقولك داوى عليلك

يكفى هجران وصد