هيا حكايه ..هيا حكايه !!

عمى انا جيلك ومنى عينى

انى اكمل نص دينى

ارجوك يا عمى اقف جنبى

وبلاش بطلباتك تبكينى

ده انا من جيل

حظه فى الدنيا قليل

وصدقنى يا عمى لسة

جوايا الامل والخير

فارجوك يا عمى قبل

ما تقول طلباتك فكر كتير

بص يابنى من

غير للف ودوران

و حركاتك دى

عملناها زمان

انا فكرت وقررت

وعلى عريس

بنتى اصدرت

للف ودوران

لا يا عمى انا
كدة منك زعلان
بس هاستحملك
لحد أما اشوف اخرك كمان

اسمع شروطى
ومتخلنيش اعلى صوتى

اتفضل يا عمى انا معاك
و تحت امرك وعلى هواك
ولو كنت مريض
يا عمى
ان شاء الله معايا دواك

مش هاقولك انا عايز
شقتين وحدة تكون
فى اسكندرية
ولا وحدة تكون
بتطل على النيل
انا عايز شقة
وحدة تكون بفراندتين

فراندتين طب منين
دا انا كل اللي معايا
يدوب يجيب شقة أوضتين

أوضتين انت مش
عارف جاي تطلب ايد مين

انا جاي باطلب ايد انسانة حبيتني
وهي عارفة ظرفي
وهي اللي شجعتني
وخليتني
اجيلك وبظروفي احكيلك

سيبك من ظروفك وجواباتك
وبلاش يا ابني حركاتك
لو جيلك مظلوم
انا جيلي كان
بيهد الصخور
ومن الحرية
كان محروم
وانا هنا اللي اقول

قول ياعمي ومش
حتسمع غير سكاتي

الشقة زي ما قلتلك بفراندتين
واحدة بتطل شمال
وواحدة بتطل يمين
والعفش كله عليك من السجاد
للارجات والحمامات
تكون كلها سراميك
وانا اللي عليا هديلك
اجمل هدية بنتي الوحيدة
اللي غالية عليا

افرش اربع أوض ازاي
لا ياعمي انت اكيد غلطان
طب ممكن دلوقتي
انزل وكمان اجيلك اسبوع

بعد اسبوع
لو مامجيتش
ببنتي ما تتصلش

بص يا عمي انت حرقت دمي
بطلباتك وبنتك كدا
مش هتتجوز غير بعد مماتك

رد بقى عليه انتيمه

ايه يا انتيم سالت عليك كل التيم
وعليك كنت قلقان ومحتار
ودورت عليك ليل ونهار
وسمعت انك من حماك زعلان
احكيلي يا مان دا احنا
اصحاب واكتر من الاخوات كمان

انت عارف اني من صغر
سني وانا رزقي علي قددي
ودايما باقول لنفسي
اصبري واهو كله بيعدي
ودلوقتي حبيبي بيضيع
قدام عيني وانا مفيش شئ بيدي

محتاج المال والنار قايدة جوايا
وكمان مستعد اقتل
كل البشر من اجل هوايا

اهدي يا عم عنتر وبلاش خبلان وجنان
دا انا لو مش صاحبك وعارفك
كنت قلت عليك انت مش انسان
اهدي واحمد ربك وبلاش
يسيطر عليك الشيطان

اعمل ايه يا صاحبي
انا من الفقر تعبان
الناس اتقل خيرها ومش بتحس بظروف
غيرها

قلبك بايدك حتقدر عليه
والجرح اللي فيه بكره
الايام هتداويه وقبل
ما تحلم يا صاحبي
احلم حلم تقدر عليه
قوم احمد ربك
وادعيله يا صاحبي

بحمدك ياربي
علي كل اللي انا فيه
وحالي ياربي انت اعلم بيه