انت مين فيهم ؟؟

انت مين فيهم.........
اللى ضاع وسط الزمن ولا اللى تعب ودفع التمن
ولا اللى شاف حياته طريق مليان سراب

انت مين فيهم.........
اللى عاش على حلم راح ولا اللى شاف اكبر جراح
من كتر ما زادت اهاتك قلبت وياك بعذاب
,,,,,,,,

مكسوف لا ماتتكسفش وقول واحنا هانسمعك
قول وما تقلقش قبل الحياه ما تسرقك
وتفضل فاكر انك هاتيجى فى يوم وتحس انك عملت حاجه
هاتلاقى نفسك اتعشمت على شى بعيد وياريته كان بيفرحك
,,,,,,,

انت مين فيهم ...........

اللى حب قلب كبير وفى الاخر محسش ولا فكر فيك
ولا اللى غدر بقلوب كتيره ولقيت اللى يغدر بيك
ولا اللى ياما استنين الحب ولا جه ولا دق على بابك

انت مين فيهم..........

اللى شاف حياته طريق مرسوم بالورقه والقلم
واللى لعب سنين كتيره وفى الاخر بيدوق الندم
اكيد تبقى مش انت اللى فى بالى وتبقى هى دى ذكرياتك