اوعى تخاف وانا وياك

وانت وحدك .. بتداري جرحك .. بعد وهم عرف يملاك
حسيت بصمتك .. ايوا سامعك .. عارف انك بتخبي هواك

داري ابتسامتك .. وسط دمعك .. اهرب مني ساعت لقاك
خايف حبك .. تاني يعيد لك .. حلم جميل اخره هلاك

ياما لقاك .. علمني اهواك .. وكل يوم بيزيد غلاك
خايف اقولك .. اني بحبك .. وطير الخوف طاير فسماك

قلبي اختارك .. اتحمل نارك .. صدقني حبيبي وانا معاك
حضني يضمك .. ده انا من حبك .. عيني وروحي وعمري فداك

قربني منك .. هتعرف انك .. ملكت قلبي يا احلى ملاك
ايدي فايديك .. دوبني فيك .. هفضل احبك ولا يوم انساك

ياما لقاك .. علمني اهواك .. وكل يوم بيزيد غلاك
دلوقت هقولك .. انا بحبك .. واوع تخاف انا وياك