إنت الوحيد ...(بنوتى)

لا قيس ولا عنتر
ولا روميو ولا دون جوان
ولا اى حد يقدر
على قلبى مهما كان

انت الوحيد ،انت وخلاص

اللى قدر ياخد حنانى
انت الوحيد من بين الناس
اللى قدر يفتح بيبانى
وقدرت تملك الاحساس
ويبقالك فى قلبى مكان

قلبى العوّام مش عارفة..ازاى فى هواك غرّقته
ازاى خطفته منى وفـ لحظة ليك شوّقته


ماعرفشى ازاى وامتى
ماعرفشى اشمعنى انت
مع انى كنت ساكتة
لا عايزة اتحب ولا احب

اتهنى يا روحى دا نصيبك..فى حبى تعيش وتتهنى
مقدرشى خلاص اسيبك ، ولا اقدر عمرى استغنى

لقيتك بعد طول صبرى
لقيتك سلمتك امرى
ف عيونك بس بان فجرى
لعيونك بس دق القلب

الكلام دا بلسان بنت انتحال لشخصية بنت يا جماعة وبقول على لسانها الكلام دا