لما العشق يدوب يجتاحك

لما العشق يدوب يجتاحك راح تنسى المك وجراحك
والقلب المقفول جدرانه راح يفتح وهترمى سلاحك

وهتنسى ايه يعنى كرامتك وبحبك يتكسر صمتك
بالغصب راح تبانى ف ضعفك يتحول ضيقك لبراحك

والنظرة لقلبى هتتغير وهيظهر مسكين متحير
وكأنه زى طفل صغير وتضمى حلمك وصباحك


وهتنسى حتى الأنانية وعيونك راح تبحر فيه
وكأنى مخلوق وحديه ف الكون الممدود قدامك

وان مرة ف ساعة عصبية هزتك والهزة قوية
راح تاخدك ايد الحنية وتداوى بعطفك و سماحك