أيه دا كله اللى بيحصل ..زواج اخر زمن ... والله حِكَمْ..

الــــــزواج المسيــــــــــــار
:: فأنا ببص كدا لقيت بعده كلام بقى من واحدة صاحبتى وبتقولى ايه رأيك فى دا فقريت الموضوع فبجد جذبنى أوى وشدنى لإنى أكتب عنه وعلى فكرة أنا هوريكوا جزء من المقال وهكتب تعليقى بقى عليه وأى اسباب تانية بس يا ريت مش تزهقوا منى لأنه بجد موضوع هام وبقى كتير أوى الأيام دى مش عارفين ليه ؟؟ بس هنا ممكن نقول الأسباب بتاعته وأهو بقى جزء من المقال :-

" تفاجات بفتوى دار الافتاء المصريه باباحتها لزواج المسيار واعتبار ان هذا الزواج صحيحا وجائز اذا استوفى الشروط التى نصت عليها احكام الشريعه وتنازل المراه عن حقوقها فى المبيت والنفقه لا يبطل هذا الزواج وانه ليس فيه امتهان للمراه او الرجل او خرق لحقوق الانسان
ولا اعتراض على ما اقرته لجنه الفتوى فلها كل التقدير والاحترام فهى صاحبه الراى فى الامور الدينيه والراى فى اجازه هذا الزواج او عدمه متروك لها والمتخصصين فى علم التاريخ والنظم الاجتماعيه ... اليست مثل هذه الفتوى تضيف الى اطفال الشوارع اعدادا اخرى وترفع من نسبه حالات الاغتصاب ..اليست هناك امراه متزوجه وتعيش فى حياه مستقره مع زوجها واطفالها تم اغتصابها فما بالك بامراه تركها زوجها كيفما يشاء يحيط بها اقارب واصدقاء ومعارف يعرف الجميع حقيقه زواجها ... (لعن الله الذواقين والذواقات ) والذواق هو الرجل الذى يريد الزواج لمجرد المتعه واشباع غريزته ... " دا بقى جزء منه يا شباب .

التعـــــــليق بتـــــــاعى بقى علــــــيه ::::

بصوا بقى يا شباب احنا عارفين ان زواج المسيار دا انتشر وبطريقة كبيرة جداً سواء فى مصر أو بلدان الخليج بس غالباً بلدان الخليج أكتر يعنى بصوا بقى يا جماعة زواج المسيار دا زواج متعة فقط أى نعم هوا زواج تتكتمل فيه أركان الشريعة للزواج لكن لا يعترف بحق الزوجة أو الابن أو الابنة وهلم جر بقى الباقى هنيجى بقى نتكلم عن أسباب قيام وانتشار مثل هذا الزواج فى كثير من البلدان وخاصة الخليجية هناك أسباب تتعلق بالناسء وأسباب تتعلق بالرجال .

أولا الأسباب التى تتعلق بالنساء :-

1- العنوسة عند المرأة أو طلاقها أو ترملها :-
ودول بيكونوا سبب رئيسى فى وجود وانتشار مثل هذا الزواج المسيارى وهو وجود عدد كبير ولا حصر له من النساء قد بلغوا سن الزواج المعروف ولسه مش اتجوزوا أو فى نساء اتجوزوا واطلقوا أو اترملت زوجها مات وبتلك الأمور قد تؤدى الى العنوسة التى اصبحت ظاهرة قد تؤرق المجتمعات والحياة المعاصرة وابتدت فى الاتساع وفرض السيطرة على المجتمع ... وهقولكوا باثباتات ان العنوسة هيا سبب من اسباب انتشار زواج المسيار فى استطلاع لمجلة الأسرة السعودية رأوا ان 46.62% من الفتيات ان سبب ظهور زواج المسيار هو العنوسة أو الطلاق أو حاجتها الى ان تنجب أطفال ...

2- رفض النساء لفكرة تعدد الزوجات لدى الرجل :-
كلنا عارفين ان كل واحدة من النساء تكره ان تكون لها شريك فى زوجها ( دُرة ) يعنى بمعنى أصح ومفيش حد فيهم متقبل حكاية التعدد دى لدى الرجل مع انهم عارفين ان من حق الرجل ( مثنى وثلاث ورباع ) لكن هنعمل ايه فى غيرتهم بقى اللى بتجيب لورا الغيرة دى مش هتخليها تقبل بأن تكون ليها دُرة ولا تقبل بهذا كواقع عملى ليها وهذا الرفض أدى الى زيادة العنوسة لانها مقبلتش ان تتزوج برجل له زوجة أولى لحد ما بقى سنها مثلاً كذا وقبلت وتنازلت وقدمت التنازلات زى اللى بيحصل فى زواج المسيار دا ودا بضه خلى الراجل يلجأ ليه ليه ؟؟ لأنه حريص على انه مراته الأولى لا تعرف بما حدث وحصل وخوفه على اهتزاز كيان اسرته المستقرة حيث عدم المبيت وعدم السكن وغلبة الكتمان ودا بيحصل فى 66.25% من البلدان العربية .

3- المكوث فى بيت أهلها لرعاية أبويها :-
يمكن يكون دا سبب لان اهلها ملهمش عائل وجالب للمال لهم الا هى او وجود بعض الاعاقات التى تمنعها من تحمل مسئولية البيت ... ( وفي دراسة بعض الحالات المتزوجة عن طريق المسيار قالت إحداهن عن السبب الذي دعاها للزواج عن هذا الطريق: إن عندها خمسة أطفال وهي موظفة وتريد أن ترعاهم رعاية حسنة بعد وفاة زوجها وتقدم لها الكثير لكنها رفضت لانشغالها مع أولادها، ولما تقدم لها شخص يريد أن يتزوجها مسياراً على أن يأتيها في نهاية كل أسبوع قبلت ذلك لأنها وعلى حد قولها ستجمع بين الزواج والحرية والوقت الكافي لتربية الأطفال.) منقولة للأمانة والاثباتات .

ثانياً : أسباب تتعلق بالرجال :-

1- رغبة بعض من الرجال فى المتعة :-
لو بصينا للجزئية دى هنلاقى انها أكتر حاجة بتشغل بال الرجل فى انه يقوم بزواج المتعة هذا لماذا ؟؟ لأنه لا يجد هذا مع زوجته الأولى لكبر سنها أو اندماجها فى رعاية الأولاد ... وهذا حق مشروع ولكن بيعلم كدا لخوفه من ان تعلم بذلك أو حرص منه على شعورها وعلى كيان الأسرة ودا بيحصل على حسب استفتاء قد قام بس مش فاكر فين بالظبط والله النسبة 52.9% أيدوا ان سبب ظهور هذا الزواج المتعة عند الرجال .

2- عدم رغبتهم فى تحمل المزيد من الأعباء والمسئوليات :-
هنلاقى فى كتي أوى من الرجال والشباب غير قادر على تحمل الكثير من الأعباء الإضافيه وغيرها وبالذات فى عصرنا دا وغلاء الأسعار فى كل حاجة التى تختص بالزواج وغير كدا بيكون عاوز زوجه له من اجل المتعة والإعفاء ودا لقيه فى المطلقات والأرامل والعوانس فبالتالى أدى ذلك لظهور مثل ذلك الزواج .

3- عدم استقراره بسبب العمل :-
هنبص هنلاقى أغلبية الشغل الأيام دى بيكون ايه عبارة عن مهمات من صاحب العمل وخروجات خارج البلد التى يسكن بها وخلال وجوده فى هذه البلد يحتاج الى امرأه تحصنه وتلبى له رغباته مع انه مش هيتحمل مسئولية الزواج الكاملة فهيلجأ للزواج دا لانه مش هيستقر معاها فى نفس البلد ولكن اثناء تواجده فى البلد أو المدينة سيأتيها .

وأخيراً أسباب تختص بالمجتمع :

1- غلو المهر وارتفاع تكاليف الزواج :-
كل واحد مننا عاوز زوجة ليه تسكنه قلبها وتعمل على راحتة وتعفيه لكن هنشوف عقبات كتيرة أوى بيحطها الأهل فى طريقك وهو غلو مهرة البنت يعنى ( بنتى مش قليلة ولا بنت فلان أحسن منها علشان يجيلها دهب بـ 15000 جنيه دهب ) دا بيحصل فعلاً حقيقةً ودا ساعات بيفوق قدرة الشخص المالية فإيه اللى هيخليه يوجع دماغه ويعمل دا كله كتر الله من العوانس والمطلقين والأرامل هيكون فيهم ناس معاها فلوس بس بتتزوج ليه رغبة الزوج الكفء ولالعفاء والولد ودا كان بنسبة 51.25% إبداء الرأى من العامة .

2- نظرة المجتمع للرجل على انه شهوانى لرغبته فى تعدد زوجاته :-
المجتمع بيبص للرجل على انه شهوانى عندما يريد الرجل فى تعدد زوجاته ولكن الرجل عادة ما بيكون بحاجة الى امرأة تعفه لظروف من الممكن أن تكون لدى زوجته وغالباً فى نساء بتطلب من زوجها ان يتزوج ويعدد ولكن لابد من ان تتغير هذه النظرة ليه لأن النبى محمد ( صلوات الله وتسليماته عليه ) قد أباحها وفعلها هو وأصحابه رضى الله عنهم أجمعين .

ورأى العلماء فى هذا الأمر قد أختلف جمهورهم على ذلك فمنهم من قال ( مباح أو مباح مع الكراهة ) ، ومنهم من قال ( غير مباح ) ...