واحد بيقوله يحرق ابوك ...وهو شغال ضحك الله يستره

واحد بيقوله يحرق أبوك ... وهو شغال يضحك على خيبته !!

الكثير مننا أوى بيحب يروح القهاوى والكافيتريات والاستراحات للترفيه على نفسهم نيجى بقى للموضوع اللى كتبته عنه كدا .. واليكم القصة حقيقةً قدام عينيا ...

فى مرة كنت قاعد فى الحديقة بتاعت الجامعة .. وشوفت يا جماعة شوية شباب شغالين ضحك مفيهاش مشكلة بس الضحك بقلة أدب شوية واستهزاء ويقعدوا يضحكوا بشوية كلام كدا مش حلو يعنى .

وسمعت واحد بيقول لصاحبه : امتى المحاضرة ؟؟
رد عليه التانى : يحرق أبوك يا أخى دا وقت محاضرات إحنا ما صدقنا .
رد الأول عليه : هههههههههههههههه معلش نسيت اننا بنتمسخر دوقتى .

واشتغلوا بقى يضحكوا ومستمرين فى انحطاط اسلوبهم الأخلاقى بقى بنت معدية ايوة يا موزة ومش عارف ايه والهبل دا سيبك من دا كله ... أنا دوقتى عاوز أقول حاجة يا شباب الواحد الأيام
يقدر يضحك وأبوه لسه مشتوم من واحد ما يستاهلش أصلاً وواحد قليل الذوق ولا ايه الدنيا بالظبط مش عارف انا ؟؟!!

ومش كدا وبس يا شباب لا فى ألفاظ كتيرة أوى مش هقدر أكتبها لأنها فوق مستوى الانحطاط كمان بكتير ..
وعلى فكرة مش فى الجامعة بس لا بالعكس فى وسط البلد وغيرها تلاقى الواحد منهم بيقول للتانى :يحرق أبوك ..؟؟ والتانى يرد : يلعن أبو مش عارف ايه .. لأمه يعنى ؟؟

والعجيب كمان إنى والله فى الامتحانات بعد ما نخرج منها ألاقى بنات بتقول ..
الأولى : الامتحان صعب
ترد التانية عليها وتقول ايه : يحرق ابوها الدكتورة الزبالة دى .. أكيد هتسقطنا ؟؟
مش عارف شغال اتكلم مع نفسى وأقول ليه احنا بنقول الكلام البزئ دا ونتبادل الكلام دا فى اغلب أوقاتنا ...

واتسآل هل سيطر علينا الانحطاط الأخلاقى والزيلة .. ؟؟
بالله عليكم مش لغتنا غارت فى داهية مش عارف ايه اللى بيحصل دا والله احنا فى زمن يرثى له بل بالعكس احنا اللى بيرثى لنا ..
وعجبى على اللى بيحصل .